برطانوی ممبران پارلیمنٹ نے ایس اے ٹی (اپٹیٹیوڈ ٹیسٹ) دیا اور 10 سالہ بچے سے بھی بدتر اسکور کیا۔
برطانوی اخبار گارجین کی رپورٹ کے مطابق یہ ٹیسٹ ویسٹ منسٹر میں ایک تنظیم کی جانب سے کیا گیا۔
ارکان پارلیمنٹ کا یہ امتحان انہیں برطانوی تعلیمی اداروں میں غیر ضروری امتحانات ختم کرنے پر راضی کرنے کے لیے کرایا گیا۔
11 سال کے بچوں نے امتحان میں بطور ممتحن کام کیا اور امتحان دینے والوں میں پارلیمنٹ کی تعلیمی کمیٹی کے چیئرمین رابن واکر سمیت دیگر شامل تھے۔
رپورٹ کے مطابق امتحان دینے والے ارکان پارلیمنٹ میں سے نصف نے انگریزی گرامر، اوقاف اور ہجے میں اوسط نمبر حاصل کیے۔
56 فیصد ممبران پارلیمنٹ ریاضی کے امتحان میں اوسط بھی حاصل نہیں کر سکے۔
یہ تعداد اوسط بچے سے کم ہیں، اس سال 10-11 سال کے 59% بچوں نے ریاضی، پڑھنے اور لکھنے کے ٹیسٹ میں متوقع نتائج حاصل کیے ہیں۔
تنظیم نے امید ظاہر کی کہ سیاست دان اس شدید دباؤ کے تجربے کو یاد رکھیں گے اور یہ سمجھیں گے کہ سخت امتحانات اسکول کے معیار کی پیمائش کر سکتے ہیں، لیکن یہ بچوں کو سیکھنے میں مدد دینے کے لیے کچھ نہیں کرتا۔
پارلیمنٹ کی تعلیمی کمیٹی کے چیئرمین رابن واکر نے کہا کہ 10 سے 11 سال کے بچوں کے امتحانات میں اصلاحات کی ضرورت ہے۔



































