اسلام آباد سے لندن جانے والی برٹش ایئرویز کی پرواز ، جس نے کل ازبک دارالحکومت تاشقند کے ہوائی اڈے پر ہنگامی لینڈنگ کی تھی ، اب اپنی منزل کے لیے روانہ ہو گئی ہے۔
فلائٹ انکوائری کے مطابق برٹش ایئرویز کی پرواز BA260 تاشقند سے لندن کے لیے روانہ ہوئی۔
یاد رہے کہ اسلام آباد سے لندن جانے والی برٹش ایئرویز کی پرواز BA260 میں ایک خاتون مسافر کو دل کا دورہ پڑنے کے بعد گزشتہ روز تاشقند میں اتارا گیا تھا۔
اسلام آباد سے لندن جانے والی برٹش ایئرویز کی پرواز میں ایک پاکستانی نژاد خاتون مسافر اچانک بیمار ہو گئی جس کی وجہ سے پرواز نے تاشقند میں ہنگامی لینڈنگ کی ، تاہم خاتون زخموں کی تاب نہ لاتے ہوئے دم توڑ گئی۔
سول ایوی ایشن حکام کے مطابق برٹش ایئرویز کی پرواز بی اے 260 اسلام آباد سے لندن کے لیے روانہ ہوئی۔ جب طیارہ تاشقند کے قریب پہنچا تو خاتون مسافر کو اچانک دل کا دورہ پڑا جو کہ مہلک ثابت ہوا۔
طیارے کے کپتان نے تاشقند کے کنٹرول ٹاور سے رابطہ کیا اور تاشقند ایئرپورٹ پر میڈیکل ایمرجنسی لینڈنگ کی اجازت مانگی۔ اجازت ملنے کے بعد طیارہ تاشقند ہوائی اڈے پر اترا۔
خاتون کی حالت اچانک بگڑنے پر طیارے کے عملے نے تاشقند ایئرپورٹ پر ایک ڈاکٹر اور ایمبولینس کو بلایا ، لیکن وہ دل کے دورے سے نہ بچ سکیں اور چل بسیں۔
دریں اثناء ازبکستان کے دارالحکومت تاشقند میں برٹش ایئرویز کی ہنگامی لینڈنگ کے مسافر شدید پریشان تھے۔
ایک برطانوی ایئرلائن کے مسافر کی اپیل کی ویڈیو سوشل میڈیا پر وائرل ہوئی جس میں مسافر نے کہا کہ ہم 24 گھنٹے ازبک ہوائی اڈے پر پھنسے ہوئے ہیں۔
انہوں نے کہا کہ اب تک کوئی ہماری حالت کے بارے میں پوچھنے نہیں آیا ہے



































