الاباما اور یوٹاہ نے قومی سلامتی کو لاحق خطرات کے پیش نظر چین کی ویڈیو شیئرنگ ایپ TikTok پر پابندی لگا دی ہے۔
یہ اقدامات ایف بی آئی کے ڈائریکٹر کرس رے کی جانب سے گزشتہ ماہ جاری کردہ انتباہ کے بعد کیے گئے ہیں۔
ایف بی آئی کے ڈائریکٹر نے کہا تھا کہ چینی حکومت لاکھوں امریکی صارفین کی معلومات اکٹھی کرنے کے لیے TikTok کی مالک کمپنی ByteDance کا استعمال کر سکتی ہے۔
ایف بی آئی نے یہ خدشہ بھی ظاہر کیا کہ بائٹ ڈانس صارفین کے لیے ‘تجویز کردہ مواد’ کو کنٹرول کر سکتا ہے اور اسے اپنے مقاصد کے لیے استعمال کر سکتا ہے۔
الاباما کے گورنر Kay Ivey نے کہا کہ TikTok پر بہت زیادہ معلومات موجود ہیں جن کا ویڈیو شیئرنگ سے کوئی تعلق نہیں ہے۔
انہوں نے کہا کہ ہمارے ریاستی انفراسٹرکچر کے ذریعے ٹک ٹاک کے استعمال سے چین کی طرف سے دراندازی کی کوشش ہو سکتی ہے۔
گورنر نے تمام ایجنسیوں کو حکم دیا کہ وہ TikTok کو ریاست کی حساس معلومات تک رسائی سے روکیں۔
اس سے قبل ٹیکساس، میری لینڈ، نیبراسکا، ساؤتھ کیرولینا اور ساؤتھ ڈکوٹا نے ٹک ٹاک پر پابندی عائد کی تھی۔
امریکی ریاستوں کی جانب سے پابندی عائد کیے جانے کے بعد ٹک ٹاک کے ترجمان نے ردعمل دیتے ہوئے کہا تھا کہ ہمیں افسوس ہے کہ بہت سی ریاستیں بے بنیاد اور سیاسی الزامات کی وجہ سے یہ پالیسی اپنا رہی ہیں۔



































