یورپی یونین (ای یو) نے رینا رتھ کیونکا کو پاکستان میں یورپی یونین کے وفد کا سربراہ مقرر کر دیا ہے۔
وہ اس وقت جنوبی افریقہ میں یورپی یونین کے وفد کے سربراہ ہیں۔ وہ اس سے قبل یورپی کونسل کے سابق صدر ڈونلڈ ٹسک کی خارجہ پالیسی کی مشیر رہ چکی ہیں۔
اس حوالے سے یورپی ایکسٹرنل ایکشن سروس کی طرف سے جاری کردہ ایک بیان کے مطابق ان کی تقرری کی منظوری یورپی خارجہ امور کے سربراہ جوزف بوریل نے دی۔
ایسٹونیا سے تعلق رکھنے والی رینا رتھ کیونکا 1960 میں امریکہ میں پیدا ہوئیں۔ 1993 میں گریجویشن کرنے کے بعد، انہوں نے اسٹونین وزارت خارجہ میں شمولیت اختیار کی۔
بعد میں انہوں نے 2005 میں یورپی یونین کی کونسل میں شمولیت اختیار کی۔ 2007 میں انہیں ہاویئر سولانا کا خصوصی نمائندہ برائے انسانی حقوق مقرر کیا گیا اور 2014 میں کونسل کے سابق صدر ڈونلڈ ٹسک کا خارجہ پالیسی کا مشیر مقرر کیا گیا۔ وہ کچھ عرصہ ریڈیو فری یورپ سے بھی 1986 میں بطور انٹرن منسلک رہی ہیں۔



































