سابق وزیر خزانہ حفیظ پاشا نے کہا ہے کہ مانیٹری پالیسی کمیٹی کے بیان سے ظاہر ہوتا ہے کہ اسٹیٹ بینک بہت پریشان ہے۔
جیو نیوز کے پروگرام آج شاہ زیب خانزادہ کے ساتھ گفتگو کے دوران حفیظ پاشا نے کہا کہ توقع تھی کہ حکومت مشکل سے شرح سود میں 100 بیسز پوائنٹس اضافہ کرے گی۔
انہوں نے کہا کہ ملک کا تجارتی خسارہ 5 ارب ڈالر سے تجاوز کر گیا ہے، ملکی درآمدات میں پہلی بار 76 فیصد اضافہ ہوا ہے، ملکی برآمدات بڑھ کر 33 فیصد ہو گئی ہیں جو کہ اچھی بات ہے۔
سابق وزیر خزانہ نے مزید کہا کہ پالیسی ریٹ میں تیزی سے اضافے سے لگتا ہے کہ اسٹیٹ بینک پریشان ہے، آنے والے دنوں میں روپے کی قدر میں مزید کمی کا امکان ہے۔
حفیظ پاشا نے یہ بھی کہا کہ تجارتی خسارہ بہت بڑھ گیا ہے، مستحکم شرح نمو مشکل ہو گئی ہے، معیشت کو کنٹرول کرنے کے لیے برآمدات میں اضافہ ضروری ہے۔
انہوں نے کہا کہ جب تیل کی قیمتیں گریں گی تب ہی خسارہ ممکن ہو گا۔
سابق وزیر خزانہ نے کہا کہ حکومت نے بجٹ میں شرح نمو کا ہدف 4.eight فیصد رکھا تھا جو اس وقت مشکل ہو گیا ہے۔



































