پاکستان پیپلز پارٹی کے شریک چیئرمین اور سابق صدر آصف علی زرداری نے کہا ہے کہ ملک بہت بڑی سازش کا شکار ہے، دنیا پاکستان کو توڑنا چاہتی ہے، میرے ذہن میں اب بھی ایسی سوچ ہے جو ملک کو کامیاب کر سکے۔
آصف زرداری نے لاہور ضمنی الیکشن میں پیپلز پارٹی کی شاندار کارکردگی پر کارکنوں کے اعزاز میں تقریب کا انعقاد کیا۔
اس موقع پر کارکنوں سے خطاب کرتے ہوئے آصف علی زرداری نے کہا کہ پورے پاکستان میں کوئی جگہ ایسی نہیں جہاں بھٹو اور پیپلز پارٹی نہ ہو۔
آصف زرداری نے کہا کہ پنجاب میں الیکشن پیپلز پارٹی کے لیے مشکل نہیں، ہماری اپنی کمزوریاں ہیں، مجھے گزشتہ روز کے ضمنی انتخاب میں ہمارے امیدوار کا ووٹ 50 ہزار تک ہونے کی توقع تھی۔
سابق صدر کا کہنا تھا کہ دنیا پاکستان کو توڑنا چاہتی ہے، ہم پاکستان کے لیے لڑیں گے، پاکستان کے لیے ان سے لڑیں گے، ہمیں پاکستان کو آنے والی نسلوں کے لیے کامیاب ملک بنانا ہے۔
آصف زرداری نے کہا کہ پنجاب میں الیکشن ہمارے لیے مشکل نہیں، ہماری اپنی کمزوریاں راستے میں آتی ہیں۔
سابق صدر نے کہا کہ ہم نے آر او الیکشن بھی دیکھے ہیں۔ جو پاکستان میں مرنا نہیں چاہتا اس کے لیے اس سرزمین میں کیا ہے؟
انہوں نے کہا کہ پیپلز پارٹی کے کارکن بھی آصفہ کی طرح پارٹی کے لیے لڑتے ہیں۔
آصف زرداری نے کہا کہ میاں صاحب نے اقتدار میں آ کر حلقے چھوٹے کر دیے، ورنہ جب یہ بڑا حلقہ تھا تو بی بی بھی یہاں سے جیتے، ہم دوبارہ اقتدار میں آ کر حلقے بڑے کریں گے۔



































