ہیلی فیکس (زاہد نور مرزا) برطانوی حکومت کی جانب سے کورونا وائرس پر پابندی اٹھائے جانے کے بعد برطانیہ کے بڑے بینکوں، مالیاتی اداروں اور انشورنس کمپنیوں میں گھروں سے کام کرنے والے لاکھوں ملازمین کو کام پر واپس آنے کا گرین سگنل دے دیا گیا ہے۔ لارڈز بینکنگ گروپ، بینک آف اسکاٹ لینڈ کے ہیلی فیکس بینک اور انشورنس کمپنیوں کے لاکھوں گھر پر مقیم ملازمین کو اگلے جمعہ کو ای میل کے ذریعے مطلع کر دیا گیا ہے۔ واضح رہے کہ برطانیہ کے سب سے بڑے بینک لارڈز بینکنگ گروپ کے 45 ہزار سے زائد ملازمین گزشتہ 18 ماہ سے گھر بیٹھے کام کر رہے ہیں۔ جنگ کو اپنے ذرائع سے معلوم ہوا ہے کہ بینک کے بورڈ آف ڈائریکٹرز کی ایک خصوصی میٹنگ ہیلی فیکس ایڈ کے دفتر میں ہوئی جس میں اس نے برطانوی حکومت کی جانب سے کرونا پابندی ہٹانے کے فیصلے کا خیر مقدم کیا۔ اجلاس میں بتایا گیا کہ بینکنگ سیکٹر میں کچھ شعبے ایسے ہیں جنہیں ملازمین کے گھروں سے کام کرنے میں شدید دشواری کا سامنا ہے۔ بورڈ آف ڈائریکٹرز نے حکومت کے فیصلے کا خیر مقدم کرتے ہوئے اسے برطانوی معیشت کے لیے خوش آئند پیش رفت قرار دیا۔



































